حسن كسلا يكتب.. الحداث ما سواي ….

حسن كسلا يكتب.. الحداث ما سواي ….
يعتبر من الامثال المتداوله بين الشعب السوداني …
و امثالنا كثيره بعراقة الشعب السوداني ….
و المثل بدل علي ان البتكلم كتير … زول ونسه ساي… ما بعمل اي مشاريع مفيده او تغير فيما اوكل له من مهام. .
نحن وناسننا كتار … و السودان ما داير وناس و زول يحجي احاجي حبوبات …
محتاج لعمل علي ارض الواقع من اعمار و تشيد .. و ترتيب للعمل العام … و وضع الاشخاص المناسبين في الاماكن المناسبه …
بعيدا عن الميول لجهات معينه او توجهات حزبيه او قبليه …
و علي الموسسات بالدوله ان تعمل جاهده لفرض هيبتها في كل الولايات دون املاااات من اشخاص خارجين عن نطاق الموسسيه ….
عزيزي البلد تحتاج لابنائها و بناتها الاوفياء داخل كل موسسه و ان تعمل بالقانون كدولة موسسيه ليس باخوي و اخوك .. و كلام الونسه في الشوارع …
ما تبقي تعتمد علي تقارير ورقيه و في النفس ما تقضيها لف في الشوارع …
عندك قانون و الوضع العام ظاهر. ما داير لف من زقاق لزقاق … و مضيعه للزمن .. زي ما قال المثل الما بشوف من الغربال يبقي اعمي …
و ي سيد و ضعنا كان الزول غمض بكون شايفو خلي بي غربال ….
الله يكضب الشينه
نهاية اللف و ونسة القهاوي شنو
##ننساك كيف و الجابو لينا من قهوه لقهوه##
##لن ننسي و الجانا زول قهاوي ###
حسن كسلا






