عام

جنرال الشرق) الناظر ترك في حوار ساخن مع (مسار ميديا)… جنيف مؤامره جديده الجيش هو المؤسسة العسكرية البتخاف علي البلد والبهما الشعب السوداني السودان مقبل على تصحيح كامل قد يحدث تحول كبير جدا في السودان وتأسيس دوله سودانيه تحترم الحقوق ويتساوي فيها الجميع اي زول شعر بخوف او تململ بأنو الدعم السريع يمكن ان يتقدم بوساطة حقو يعزل نفسو اي فترة حكمو فيها العسكر هي انجح من فترة المدنين حاورته :عرفة خواجة

(جنرال الشرق) الناظر ترك في حوار ساخن مع (مسار ميديا)…

جنيف مؤامره جديده

الجيش هو المؤسسة العسكرية البتخاف علي البلد والبهما الشعب السوداني
السودان مقبل على تصحيح كامل

قد يحدث تحول كبير جدا في السودان وتأسيس دوله سودانيه تحترم الحقوق ويتساوي فيها الجميع

اي زول شعر بخوف او تململ بأنو الدعم السريع يمكن ان يتقدم بوساطة حقو يعزل نفسو

اي فترة حكمو فيها العسكر هي انجح من فترة المدنين

حاورته :عرفة خواجة

قطع رئيس المقاومة الشعبية بالسودان ورئيس المجلس الأعلى لنظارات البجا الناظر َمحمد الامين ترك
بأن الجيش السوداني هو المؤسسة العسكرية البتخاف علي البلد والبهما الشعب السوداني، واشار الي ان نجاح فترة حكم العسكر في جميع المراحل، وقال ل(مسار ميديا) قد يحدث تحول كبير جدا في السودان وتأسيس دوله سودانيه تحترم الحقوق ويتساوي فيها، و كشف عن عقبات كبيرة تواجه تسليح المستنفرين بالمحليات الشماليه والشريط الحدودي، مشيرا الي ان الجيش وحمل قائد اللواء ٤٣م والفرقة ١١
اروما مسؤولية اي اختراق للمنطقة.

* في البدء دعنا نتحدث عن الملف الامني في الفترة الأخيرة كثرت الخلايا النائمه في الولايات الامنه خاصه الشرق والمسيرة التي استهدفت رئيس مجلس السيادة في جبيت نموزجا؟
بعد الحرب حدث تحرك خارجي وقد شرع القحاطة في تكوين حكومة منفي وعقدت لقاءت واجتماعيات في بعض الدول الأفريقية ، والحمدلله من حسن الطالع كان وجود نائب رئيس مجلس السيادة مالك عقار خارج البلاد ، هذه الوجود كسر تحركات القحاط قيام حكومة منفي وتحرك عقار ونحن أيضا تحركنا كمجلس وعملنا مبادرة شرق التي تقودها جبهة شرق السودان والمجلس الاعلي لتوحيد الجبهة الداخلية ودعم الحكومه حتي لا يتعري موقف الجيش شكلنا اليه مدنيه تدعم اي خطوة يتخذها الجيش، الخطوة الثانية اعلنا المقاومة الشعبية لرصد حركة التمرد والقحاطة وحراك مدني َدا نحن واحترقنا بيها فولكر، وعندما احتلت الجزيرة اعلنا المقاومة الشعبية المسلحة، وهذا الحراك وجد تجاوب كبير جدا في السودان وبالفعل تشكلت المقاومة، ولا حقا تم انتخابي رئيسآ للمقاومة الشعبية في السودان خلال موتمر وفي ذلك الوقت انا كنت خارج السودان في اداء العمرة، الوضع في السودان الان و قد يحدث تحول كبير جدا في السودان وتأسيس دوله سودانيه تحترم الحقوق ويتساوي فيها الجميع ، الجيش هو المؤسسة العسكرية البتخاف علي البلد والبهما الشعب السوداني، ولكن هذا ليس مبرر غطرسة بعض قادة اللواء او الفرق بالهيمنه علي الحراك الوطني الشعبي وتعطيلة

*علمنا بان هنالك عقبات كبيرة فيما يخص تسليح المستنفرين ؟

الان انا استغرب من قائد اللواء ٤٣م والفرقة ١١ ان الناس تدرب للدفاع عن البلد ويدعم السيد القائد العام للقوات المسلحة الفريق الأول الركن عبد الفتاح البرهان بالسلاح والوسائل وتحتكر كانما ينتظرون بها الدعم السريع عشان يسلموها ليهو، واي زول يتخازل عن الدفاع عن البلد اكثر ما يكون هناك بعض القادة يتخوفون ويتوجسون من مسألة المقاومة الشعبية، بالرغم من ان السودان الان يتجه الي اصلاح في كل المؤسسات السياسية التنفيذية والعسكرية وغيرها، والان الشعب السوداني يهيئ نفسوا لسودان جديد كل الناس، سودان كل الناس متمثله فيهو، مفترض الان اي زول كما قال اخونا ياسر العطاء اي شخص غير قادر يتحمل مسؤلياته فليذهب غير مأسوف عليه، لا نريد ان يحدث اي اختراق في البلاد، واي زول شعر بخوف او تململ بأنو الدعم السريع يمكن ان يتقدم بوساطة حقو يعزل نفسو، الان السودان مقبل على تصحيح كامل، ومافي حاجه اسمها دعم سريع ولا دعم بطيئ ولا غيره) ستكون هنالك مؤسسة عسكرية قويه جدا، انا بفتكر انو الأحزاب السياسية انتهت خلاص، ولو بتفكر تاني ترجع للكراسي هي واهمة، لان هنالك تخالف اقليمي بكل اقاليم السودان يقود للانتخابات، ومتاكد سيفوز التحالف الاقليمي وستكون هنال اسس جديدة لحكم السودان ماممكن (فترة عسكرية وانقلاب وغيره)
* دعنا نعود إلى مسألة عدم تسليح المستنفرين في حالة مواصله الرفض ما الخطوة التالية؟
نحن تواصنا مع القيادة لانها جابت السلاح وهي كفيلة بتوجيه التعليقات، نحمل قيادة اللواء ٤٣م المسؤوليه الكاملة في حاله حدوث اي اختراق، هم يتوجسو ويخافو مننا لكن هم يفضلوا ان يستلم الدعم السريع البلد، قد يكون هذا فهمهم، لكن مادايرننا نحن نتسلح ويكون لينا دور في حماية البلد، ولكن شائو ام ابو نحن حنكون سد منيع للدفاع عن البلد وموقفنا لا يتغير من القوات المسلحة ابدا، ونعتبر انو ديل افراد، وهم كعسكريين ما من حقهم يتوجسو مدام القرار جاء من القائد العام، رفض التسليح من اجل مصالح زاتيه من اجل التكسب، هم ما الجهة المنوط بها ترفض او تقبل،
انا افتكر ان مساله السلاح جاء بتوجيه من الرئيس لدعم المقاومة الشعبية ، عموما من، قة اروما وقائد الفرقه ١١ سلحونا ولا ما سلحونا شرق السودان مافيها مشكله سلاح لكن نحن نود العمل تحت امرة القوات المسلحه حتي لاتحدث فوضي، لكن لمصلحه الامن والوضع الان كان من المفترض الاستفادة من قائد الفرقه في المواقع المتقدمه سوا في الخرطوم او الجزيرة، وياتو بأخرين يحسنوا التعامل مع الناس، انا شعرت بان عدم التسليح بعدم الحساسية والعنصرية سوا كان من قائد الفرقة واللواء، نحن مؤمنين المؤسسة العسكرية المنوط بها الدفاع عن البلاد هي القوات المسلحة، فليذهب الشخصين لكن لن تتفير المواقف مهما كان.

ماهو موقفك من مفاوضات جنيف؟
كسابقاتها ، بمعني ان الغرب واعوانو تاذينا منهم ٣٠ سنه لان الحرب مدعوم من الغرب ، ومدعوم من الناس المناوئين للسودان وكانت هناك تحديات اسقاط الحكومه من اطرافها، جميعها فشلت، لكن هذا الشعب الهمام الذي انتفض قادر علي يجيب حكومة ويشيل حكومة، والقوات المسلحة التي يتحموها الان بانها جيش كيزان الجيش وقف مع الشعب كعادته، لم يكن موقف الجيش او الأجهزة الأمنيه ضرب المواطنين وسفك الدما ابدا، بل استجاب لهذا الشعب، وهؤلاء المجموعات وعملائهم واعوانهم كأنما هنالك فريسه يتنزلون عليها الصقور لافتراسها، لذلك شكلو مجموعه لتنفيذ سياساتهم، الاتفاق الإطاري جاب الحرب بواسطة الثلاثية والرباعية والترويكة وسياساتها، الان بعد الحرب مشو منبر جدة، ومنبر جده قد ثبت بعض الحاجات لم تنفذ والان الذي قدم الدعوة احد شركاء منبر جدة واذا كان هذا الشريك قد فشل في اقناع الدعم السريع الإنسحاب من منازل المواطنين والمستشفيات المدارس، عشان كدا انا بفتكر بان جنيف مؤامره جديده، واحي الشعب السوداني الذين تظاهرو في سويسره نحن نتضامن معهم في هذا الموقف، لذلك جنيد مسرحية جديده لفرض ضغوط جديده ودعم الحرب، انا افتكر انو لو في سودانين ضمايرهم حية الحوار لاذم يكون سوداني سوداني داخل السودان وامريكا بدل ما تودينا السودان تجينا هنا تسمع كلامنا، تودينا جنيف نزهة ولا شنو؟ نحن البنقرر الدعم السريع يوم من الأيام كان جزء من القوات المسلحة في يوم من الايام ونمرد اذا ينطبق عليه قانون القوات المسلحة، نحن الان نتابع وننظر فقط، اذا الدعم السريع لم ينطبق عليه قانون القوات المسلحة الان ياسر العطا البقاتل سيرفع قضية لضرب عمه هاشم العطاء ونحن عثمان العطاء، معليش عبدالعزير الحلو، عبدالواحد محمد نور ديل ممكن يتفاوضو معاهم لكن الدعم السريع مكون عسكري عمل انقلاب، مافي طرفي الحرب هو تمرد علي الجيش وهَو تابع له، اما الحوار والحوار والسلام وتأسيس الدوله السودانيه هو امر يخص الشعب السوداني، نحن نقترح يكون هنالك مؤتمر ندعو كل البرلمات والجيش يكونو شركاء وحضور
*هل انت الان تدعم خط السودان ولا المفاوضات؟
انا ادعم خط السلام والمفاوضات الحوار السوداني السوداني لايلدغ المؤمن من جحرة مرتين الان الناس البقولو دايرين سلام هم الاشعلوا الحرب ليجدو موقع للقحاطة والدعم السريع، عشان كدا مثلا شرق السودان لايقبل قحاطة ولن يقبل دعم سريع، شمال السودان كذلك. دارفور، النيل الازرق، كردفان
قصة قوي سياسية واحزاب ما بتنفع
نحن نلنا استغلالنا من سنه ٥٦ لكن السياسات العوجا والاعتماد على الاجنبي والركوع ليه دا الخلانا في هذا الوضع، هنالك انتقال فكري ووعي كبير للشعب السوداني
*مقاطعه :هناك احزاب تدعم خط قحت؟
ديل عملاء والحاجات القديمة دي كلها تتمسح باستيكا لانهم فشلَو، الدعم السريع يقول ليك نحن نحارب دولة ٥٦، هم كانَو جزء من الانقاذ وحكومة حمدوك، يقولون كذا لانهم فقدو المنطقة، الان نقول القوي السياسية فشلت واي فترة حكمو فيها العسكر هي انجح من فترة المدنين، حكم عبود ونميري، حتي حكومة الانقاذ انجزت، العساكر بنجحو لانو ما بفكرو في خداع الناس بل جل تفكيرهم كيف ينجحوا، الاحزاب والقوي المدنية فشلت
*حدثنا عن مبادرة القاش اين وصلت؟ شعرنا انه بالرغم من المساهمة الا ان القومية شعرنا تن المساله اكبر من الميزانيات، والقاش يهدد اروما، عملنا مبادرة هنالك جهات داعمه و وزارة الماليه عشان ننفذ المبادرة دي نحتاج لأكثر من ترليون، المرحلة الثانية ما بطلب دعم مشمعات ولا غيرة نحتاج دعم المواطن ليبني بناء مسلح
*تحدثت عن ان المشروع يحتاج لدعم كبير جدا من اين ستستقطب الدعم ؟
سنتصل بالمنظمات والحكومه الحل الرئيسي العام المقبل نطلب ميزانيات من الدوله وسيكون هناك حل جزي لهذه المسالة حتي نتمكن من عمل كورنيش بين مكلي ودقين وتندلاي، باعتباره تامين للقاش وبذلك نعيد للقاش دورة الكبيرة،
*في الفترة الأخيرة حدثت مناوشات بينك وشيبه ضرار هل تم الوئام بينكم من اجل المرحلة والمصلحة الوطنيه؟
انا ما حصل اتكلمت عن شيبه ضرار وحقيقية اليوم الذي تحدث فيه شيبة ضرار انا انتقدت اللجنة بتاعه الإتحاد الأفريقي التي تم تكوينها ، بالرغم من انو السودان اختلف مع الايقاد وفي اليوم التالي تفاجأت بالهجوم من شيبة ضرار، وطوالي ربطت الموضوع بحاجات خارجية واقترن هجومة علينا كل ما نهاجم التمرد، والقحاطة ونحن لم نرد عليه حتي الآن، نحن نعلم مقدرات شيبه ولو رددنا عليه نكون خسرنا المعركة، لكن اي حركة منه الشباب كفيلين به.
*لماذا لم تقوم بمبادرة لتوحيد جميع كيانات الشرق من انجل المصلحة الوطنية
الان لايوجد اي مشكلة بين القبائل
وقد نجحت مبادرة أبناء البجا
*تفشي الكورلا في شرق السودان دورك شنو في تلافي الخطر
لابد من تغير التفكير لدي المواطن لانه يفتكر بان كل حاجه بيد الحكومة لابد ان تكون هنالك مساهمات من المواطنين في التوعيه يجب ان تكون هنالك حملات رش للذباب

مقالات ذات صلة

زر الذهاب إلى الأعلى