قصة اول الشهادة السودانية بعد الحرب

قصة اول الشهادة السودانية بعد الحرب
ولدنا المجتهد عمار احمد عبدالرحيم حاج الخضر ذو ال ١٦ ربيعاً
اول الشهادة الصغري لعام ٢٠٢١ في ولاية الخرطوم..
مرق من بيتهم الآمن السمح وخلي وراهو الراحة والطمأنينة ونزح لولاية الجزيرة زي معظمنا..
وحسه شغال يبيع الماء في مدينة الحصاحيصا لكسب العيش الحلال
انها الحرب التي أجبرت الناس للهجره و البحث عن طرق لكسب العيش.
احيي فيه روح المثابره والعزم والاجتهاد و عدم الاستسلام
والله حاسه بالفخر شديد بك يا عمار مثال يحتذي به 😍
ناس كتار في وضعه كان يكونو قاعدين منفسنين وزهجانين وبلعنو في الحرب
انا زاتي من المنفسنين ديل لحد كبير
ف يا عمار بخت امك وابوك بك لانه ولد زيك في عايلتنا دي نادر والله
الله يحفظك ويوفقك ويفتح لك ابواب الرزق من اوسعها والسنة الجاية تكون اول الشهادة الكبيرة
ما شاءالله تبارك الله
قدام يا ولدنا
وعليكم الله البمشي الحصاحيصا يمشي يشرب من عمار ده وعلي ضمانتي ❤️
كسرة..
لنوقد شمعة بدل ان نلعن الظلام





