أعمدة

أنين ألانامل د. الهادي خضر درمه يكتب فاشر السلطان… ملحمة العز والصمود عاصفه جهنم

أنين ألانامل
د. الهادي خضر درمه
يكتب
فاشر السلطان… ملحمة العز والصمود عاصفه جهنم
ليس الفتى من يقول كان أبي،
الفتى البصنع المجد بيدّو،
ويكتب التاريخ بخط النار والعرق،
ما بالقواميس… لكن بالفعل والدم والصدق. قالوا الرجال اتربّت في الميدان،
ما بتعرف الخوف لا في أي مكان،
الطلقات تهزّ الجدران،
لكن قلوبهم ثابتة زي البركان.
في قمّة الملاحم العسكريّة،
وفي معركة بتُدرَّس للعزّة والكبرياء،
وقفت قواتنا المسلحة والقوات المشتركه بمختلف تشكيلاتها وقفة رجال…
في عاصفة جهنم، حطّموا العدو وكسروا شوكتو،
وقدّموا دماءً غالية في سبيل السودان وكرامته.
نحنا أسود الخلا والجبال،
نقيف قبال الموت وما بنمال،
السودان يا درّة الرجال،
قسمًا نحميك طول الليال.
نترحّم على أرواح الشهداء الأبطال،
الما بخافوا الردى، الما بتغيّب سيرتهم الأيام،
ونقول للجرحى، ربنا يشفيكم،
والنصر جا بفضل عزيمتكم وإيمانكم. الشهداء ما ماتوا، ديل أحياء،
ساكنين في قلوبنا في الضياء،
يا أم الشهيد اصبري وارفعي الراية،
ولدك بطل، رسم الحكاية.
الله أكبر… الله أكبر… الله أكبر،
والعِزّة لسودان الكرامة والسيادة.
سلام على كل جندي ومدني حمل روحو فداء للوطن،
سلام على فاشر السلطان…
رمز النصر والبطولة،
المدينة الرفعت راس السودان في وجه الريح،
وخلّت العدو يعرف قدر الرجال.
فاشر النصر ما بتنحني،
فيها الزول يِقوم لو وقع تاني،
درب الكرامة مرّ وطويل،
لكن نحنا ناسو، ونقيف له بالدين.
يا وطن الجدود…
يا أرض النيل والكرامة،
ناديت رجالك… فقاموا زي السيوف قدّامك،
لا خانوا ولا لانوا،
صمدوا… وكتبوا النصر باسمك العالي،
السودان… يا بلد الأبطال،
منك السلام… وليك السلام،
والله أكبر والعِزّة للسودان.
اذا أمد الله في الاجال سنعود.

مقالات ذات صلة

زر الذهاب إلى الأعلى